Pagkatapos panoorin ang dulang Don_Q ng PETA ng ilan sa mga mag-aaral ng ikaapat na taon noong ika-6 ng Oktubre 2006, anim na Xaverian ang sumuong sa hamon ng grupo, ang lumabas bilang mga “Avatar ” sa naturang produksyon.

      Sina Julio Datu at Aaron Yang ng High 4D at Emile Tanglao, Niño Sy, Michael Tan at Luis Mercado ng High 4B ang matatapang na nagboluntaryo para maki- extra sa mga pangunahing mandudula. Dala-dala ang kani-kanilang mga sariling costume, inaayusan sila at binigyan ng mga direksyon kung paano magmukha at gumalaw bilang mga Avatar sa dula. Ang iba sa kanila’y pinasayaw, pinakanta at kung anu-ano pa sa pakikihalubilo sa mga artistang nagtatanghal.

      Ang Don_Q ay isang dulang hango sa nobela ni Miguel Cervantes na Don Quixote dela Mancha. Subalit bilang tugon sa mga hilig ng kabataan, iniayon nila ang dula sa isang computer role playing game tulad ng Ragnarok. Sa buong dula, tila naglalaro lamang ang mga mandudula kasama ang mga manonood.

      Sa kabuuan, makikitang bukod sa nasiyahan ang mga nagsiganap sa kanilang paglabas sa entablado, may kakaibang high silang naramdaman sa pagtatanghal sa harap ng mga taong hindi nila kilala.

Go back to the top ^