Mula sa mahigit isang daang lumahok sa Timpalak-Tanaga ng Kagawaran ng Filipino, narito ang tatlong namumukod-tanging nagwagi.

Unang Gantimpala

Walang Pamagat

Arnold Lau (H2C)

Inapakang basura

Nilunok ng masa

Paggalang tila mura

Kunwari'y may kultura

Ikalawang Gantimpala

PISO

Paolo Abrihan (H4C)

Walang dalawang libo

kung walang isang piso.

Wala nang pagbabago

kung buhay mo ang piso.

Ikatlong Gantimpala

KATANGIAN NG BAYANG MABALAHO

Alvin del Rosario (H4A)

Dilim ng panibugho

at pagkiling sa luho;

siyang magpapaguho

sa bayang mabalaho.

       Binubuo ng tig-aapat na saknong na may tigpipitong pantig, ang tanaga ay isang uri ng panulaan ng mga katutubong Pilipino. Sa kanilang kaigsihan naipapahiwatig ang malalamin na kaisipan at mensahe. Para sa timpalak na ito, umiinog ang tema sa tanong na: "May Pag-asa pa ba ang Pilipinas?" na siyang tinangkang sagutin ng ating mga mag-aaral ayon sa kanilang mga karanasan at pananaw.

Go back to the top ^