Sa kauna-unahang pagkakataon, inilunsad ng Kagawaran ng Filipino sa Mataas na Paaralang Xavier ang Timpalak Tanaga bilang bahagi ng kanilang pagdiriwang ng Buwan ng Wika mula Agosto 22 hanggang Setyembre 22.

      Itinanghal na nagwagi sina Arnold Lau ng H2C (unang gantimpala), Paolo Abrihan ng H4C (ikalawang gantimpala) at Alvin del Rosario ng H4A (ikatlong gantimpala) mula sa higit na isang daang kalahok mula sa apat na taon, karamiha’y mula sa una, ikalawa at ikaapat na taon.

      Ginawad din sa sampung mag-aaral ang karangalang banggit: Ken Coseto ng 1D, Trevor Chan at Timothy Fernando ng H2C, Andrew Ang, Engelbert Chua at Charles Tiu ng H4C, Sean Aquilino, Anthony Co at Thompson Tan ng H4D, at Charles Tan ng H4G.

      Layunin ng paligsahan ang linangin ang kakayahan ng mga mag-aaral na suriin ang kanilang lipunan at bigyang kahulugan ang mga ito sa isang malikhaing paraan. Sa ganitong adhikain itinalaga ang tema: “May Pag-asa pa ba ang Pilipinas?”

      Sa mga hindi nakaaalam, ang tanaga ay maihahalintulad sa haiku ng mga Hapones kung saan iisa lamang ang saknong. May apat na taludtod na may tigpipitong pantig ang buong tula.

      Ang mga nagwagi at ang sampung karangalang banggit ay ipo- post sa XS website sa mga susunod na linggo.

Go back to the top ^