U.K. Sa Xavier

Angelo Ventosa

   Umagang-umaga pa lamang, punung-puno na ng tao ang harap ng Gate 6. Noong Disyembre 16 ginanap ang taunang ukay-ukay sa EED gym. Mula sa damit hanggang sa mga laruan, lahat ay mahahanap dito.

   Ginawa ang ukay-ukay para sa mga pamilya sa mga piling lugar sa San Juan. Para sa halagang 30 piso, makakakuha ng 20 na gamit ang mga taong pumunta rito.

   Nagmula ang mga ibinentang gamit sa donasyon ng mga estudyante ng Paaralang Xavier, ngunit tiniyak ang kaayusan at magandang kondisyon ng mga ito.

   Iba’t ibang miyembro ng komunidad ng Paaralang Xavier ang nagboluntaryo para rito. Di lamang ang mga guro ang tumulong, pati na rin ang mga mag-aaral

   Sa huli, makikita ang kasiyahan sa mukha ng mga tao. Ang mga pamilyang bumili ay nakakuha ng iba’t ibang mga gamit sa maliit na halaga habang ang mga boluntaryo ay nakapagbigay saya sa kanilang mga nangangailangang kapatid.

Go back to the top ^