COMMUNITIES

UBOD: Bagong Dugo sa Panitikan
G. Noemi Reyes, Katiwala ng Aklatan sa Mataas na Paaralan

Posted Wednesday, 17-Jan-2007 1:45 PM

      Ang unang pampanitikang serye ng UBOD ay mga gawaing nagpapanatili ng kritikal na kamalayan ng katotohanan ng buhay bilang indibidwal na nabubuhay, na ang bawat isa ay buo at naiiba ang pagkatao.

      Sa pamamagitan ng mga tula, dula, kuwento at sanaysay na nilikha ng mga baguhang manunulat at tinipon ng NCLA (National Committee on Literary Arts). Naglalaman ang lahat ng gawaing ito ng malalim na kamalayan para sa pakikipag-ugnayan sa berbal na pamamaraan ng

pamumuhay, pag-iisip at pakiramdam upang tayo’y magiging tunay sa ating sarili sa ating bansa at sa ating kababayan.

      Ginamit ng mga manunulat ang mga kasalukuyang lengguwahe tulad ng Tagalog-Filipino, Subuanon, Iluku, Kinaray-a, Aklanon, Pangasenense, Bikol at Filipino-English. Nagpapakita ito ng kanilang malikhaing pagsulat, gawaing likha ng imahinasyon.

      Binubuo ang mga seryeng ito ng mga sumusunod: 17 serye ng mga tula, 6 serye ng dula, 13 serye ng maikling kuwento, at isang sanaysay.

      Kung ang iyong hanap ay mga gawaing likha ng mga baguhang manunulat, maibibigay ito ng mga seryeng ito ng UBOD.

Go back to the top ^