Gusto n’yo bang mapadali ang paghanap sa kinakailangan ninyong paksa para sa research paper n’yo? Hindi na kinakailangang halungkatin pa ang mga lumang pahayagan para rito. Sangguniin ang On – Line Vertical File (OLVF) at … Presto! Matutugunan na ang iyong hinahanap.

      Isa sa malaking hakbang tungo sa pagbabago ng ITC upang matugunan ang pangangailangan ng mga guro at mga mag-aaral ay ang pagpapakilala at paggamit ng OLVF sa DVD format. Sa pamamgitan ng programang ito, mapadadali ang inyong paghahanap sa paksang inyong kailangan. Binubuo ito ng buong pahayagan, ang Philippine Star , na maaaring pagkunan ng hinahanap ninyong impormasyon. Bukod sa nakuha na ninyo ang impormasyon, maaari pa itong ipa- print para sa inyong personal na pangangailangan.

      Ngayon, hindi n’yo na kailangang marumihan pa sa paghagilap ng mga lumang dyaryo. Hindi n’yo na rin nakababagutan ang pag-isa-isa sa mga artikulo’t babasahin sa karamihan ay wala naman palang kinalaman sa inyong sinasaliksik. Di n’yo na rin mararanasan ang paggugol ng maraming oras sa paghahanap ng mga sangguniang wala naman pala sa lumang vertical file. Sa pamamagitan ng OLVF mas tiyakan at mas komprehensibo na ang inyong pagsasaliksik ng mga impormasyon.

      Tapos na ang pagbasa sa mga paksang ginupit-dinikit sa bond paper, buksan lang ang computer at gamitin ang On-Line Vertical File.

      O, mag-o- OLVF na ba kayo?

Go back to the top ^